Hækur fyrir brennandi heim

Þorvaldur Sigurbjörn Helgason - ljóðskáld

I.

himnarnir opnast

appelsínugul slikja

leggst á akurinn

II.

skógurinn brennur

bræðurnir grípa hundinn

og flýja húsið

III.

við þurfum meira

maður í jakkafötum

dælir bensíni

IV.

eldur í safninu

í kvöld rignir ljóðlínum

yfir borgina

V.

krýpur á tröppunum

maður í ljósum logum

dómstóllinn sefur

VI.

frostpinni á stétt

bráðnar eins og jökullinn

barn sleikir fingur

VII.

vakir einsömul

síðasta hunangsflugan

í tómu búi